Xoşbəxtliyinizin Qatili Olmayın

0
1380
Xoşbəxtliyinizin Qatili Olmayın

Bəzən ağızdan çıxan bir söz, bəzən xırda bir hərəkət münasibətlərin bitmə səbəbi ola bilir. Amma halbuki, o söz ağızdan çıxmasaydı, o hərəkət edilməsədi,hər şey fərqli ola bilərdi. O səbəbdən də, münasibəti korlayan səhvlərdən çəkinmək lazımdır.

Məsələn tənqid bombası.
“Onsuz da bir gün belə olsun məni dinləmədin, elə hey çığırırsan. Bacarıqsızsan. Məni üzməkdən zövq alırsan?”– kimi tənqidlər qəlb qırmaqdan başqa işə yaramır. Bunun yerinə: “Məni çox üzdün, qəlbimi qırdın”– kimi ifadələr duyğusal mesaj verərək münasibətinizə müsbət yansıyacaq.

Damğa vuran cümələlər.
“Heç dəyişmirsən. Bir gün də olsa yaxşı tərəfini görə bilməyəcəm?“– kimi ifadələr sevgilinizə damğa vurmaqdan başqa bir şey deyil. Madam ki, o, dediyiniz kimi illərdir dəyişmir, bəs sizin halınız nədir?  Yəni siz nə vaxt dəyişmisiz? Özünüzü dəyişdirməyə başlayın.

Haqlı olmaq problemi.
Ən mərhəmətsiz hal – haqlı olmaq problemidir. Özünü həmişə haqlı görüb qarşısındakını haqsız vəziyyətə salmaq,cütlükləri məhv edən ən travmatik problemlərdən biridir. Problem nə olur olsun, arada “mən harda səhv etdim?”– deyə düşünün.

Həmişə onu günahlandırmaq.
Münasibətinizin yükünü həmişə qarşı tərəfə yükləmək,onu əsəbi və gərgin edə bilər. Buna görə işləri ortaq məxrəcə gələrək həll etməyə çalışın.

Psixoloq kimi davranmaq.
Münasibəti uçurumdan aşağı yuvarlayan önəmli səbəblərdən biri də,hər şeyi bilirmiş kimi davranmaqdır. Nə qədər təcrübəli olursuz olun,münasibətdə hər şeyi bilirmiş kimi davranmayın.
 
 
 
 
Korrektor:Əhmədova Sevinc

ŞƏRH YAZIN