Kar qurbağadan uğur nümayişi!

0
8723
Kar qurbağadan uğur nümayişi!

 Günlərin bir günü qurbağalar yarışa çıxdılar. Məqsəd hündür bir qalaya dırmaşmaq idi. Qala çox hündür olduğu üçün heç kim qurbağaların ora çıxacağına inanmırdı. Hətta bəziləri 


- "Boş yerə zəhmət çəkirsiniz. Onsuz da bu qalaya çıxa bilməyəcəksiniz" - deyə qışqırırdılar. 

Və çox keçmədi ki, qurbağalar bir-bir yarışdan çıxmağa başladılar. Təkcə bir qurbağadan başqa... O nə olursa-olsun, ümidini itirmir, inadla qalaya dırmaşmağa çalışırdı. Çox keçmədi ki, bu qurbağa qalaya dırmaşdı. Ətrafdakılar heyrətlə onu alqışlamağa başladılar. Sonra yanına gəlib buna necə nail olduğunu öyrənmək istədilər. Qurbağalardan biri ondan: 

- "Bu çətin işin öhdəsindən necə gəldin?" - deyə soruşdu. Ancaq qurbağadan cavab gəlmədi. Qurbağa sualı bir də təkrarladı. Ancaq hələ də cavab yox idi. Qurbağa sualı neçə dəfə təkrarlasa da, yenı cavab ala bilmədi. Çünki... Çünki qurbağa kar idi!...

Əgər getdiyiniz yolun doğru olduğuna inanırsınızsa, geri çəkilməyin. Kim nə deyirsə desin, yolunuza davam edin. Kar qurbağa kimi ... Bəzən qulaqları tıxamaq uğura çatmağın ən yaxşı yoludur!

ŞƏRH YAZIN