- İnsanlar arasındakı münasibətləriniz kimi şəxsi həyatınızda da mülayim olun. Hər insanın özünəməxsus xüsusiyyətləri və qəribəliyi vardır. İçində olduğumuz hal və vəziyyətin də bu mənada əhəmiyyəti böyükdür.
- Uğur qazanan insan nə olursa-olsun uyğunlaşmağı bacarmalı, ürəyi düz olmalı, özünü həmişə rahat hiss etməlidir.
- Yalandan söz verməyin. Sizə olan inamın artmasına çalışın.
- Söhbət etdiyiniz adamların adlarını tez-tez təkrarlayın. Bir insanı tərifləmək və ona qiymət vermək onun ən yaxşı tərəflərini ortaya çıxarmaqdır.
- Hər hansı bir mübahisəyə hərə öz fikri ilə qoşulur. Başqalarının fərqli olmaları ilə razılaşın. Sizdən daha pis olduqlarını düşünmək doğru deyil. Bayağı tənqidlərdən çəkinin.
- Başqalarına yardım etmək istədiyiniz zaman özünüzü unudun.
- Heç kəsə öz problemlərinizi bildirməyin. Bunu da yaxşı bilin ki, onların da öz problemi var.
- Günlərinizin fəal keçməsinə çalışın. Yeni insanlarla tanış olun. Ünsiyyət dairənizi genişləndirin. İnsanlar pozitiv olmağa meyillidirlər və irəliləmək istəyirlər.
- Danışıq tərziniz pafoslu, canlı olsun. Bir yerdə dayanmaq mümkün deyil, əgər irəliləyiş yoxdursa, deməli, geriləmə başlayacaqdır.
- Özünüz üçün istədiyiniz hər bir şey başqalarını da maraqlandırmalıdır. Yaxşı bir münasibət sizə hörmət, sevgi, simpatiya qazandıracaqdır.
- Əşyalar sizə heç bir şey qazandırmaz. Unutmayın ki, insan heç bir şeyin sahibi deyil, aldığı hər şeyin müvəqqəti gözətçisidir.
- Əgər bir təbəssüm istəyirsinizsə, gülümsəməyi öyrənin. Təbəssüm həm qəlbə xoş gəlir, həm də ruhu sakitləşdirir.
Korrektə etdi: Hürü Mustafayeva