Qısqanclıq Duyğusundan Azad Olun!

0
1182
Qısqanclıq Duyğusundan Azad Olun!

"Qısqanclıq başqasından daha çox özünə zülm etmək sənətidir." deyir Aleksandr Düma. Onun bu cümləsində böyük bir həqiqət gizlidir. Qısqanclıq yeni münasibətlərin başlanğıcında xoş təəssürat, sevilmə, sahiblənmə duyğusu yaratsa da, bir müddətdən sonra dağıdıcı qüvvəyə malik olur. Ona görə, bu duyğunu lap minimal həddə çatdırmaq lazımdır.

Psixoloqlar sizə aşırı qısqanclıqdan azad olmaq üçün çıxış yollarını təqdim edir.

1. Öz hisslərinizi anlamağa çalışın.

Birinci növbədə özünüzə etiraf edin ki, sevdiyiniz insanı qısqanırsız. Qoy, bu sizin üçün problemi həll etməkdə ilk mərhələ olsun. Əgər siz keçirdiyiniz mənfi hissləri qəbul etməsəz, onları olduğu kimi qiymətləndirməyi bacarmasaz, daim daxili narahatcılıq, əsəbilik keçirəcəksiniz.  

2. Qısqanclığınızın səbəbini tapın.
 
Özünüzə sual verin: "Mən nəyə və nə üçün qısqanıram?" Bəlkə sizin rəqibiniz, sadəcə, yoldaşınızın işidir? Sevdiyi işə o, daha çox vaxt ayırır, nəinki sizinlə ünsiyyətə. Bu halda siz yalnız sevinə bilərsiz, çünki rəqibiniz cansızdı və ona qalib gəlmək asan olacaq.  Amma adətən iş yerinə böyük həvəslə getmənin səbəbi daha dərin olur. Nəzərə alsanız ki, bu yaxında onların ofisində yeni xanım işçi peyda olub, onda işiniz çətinləşə bilər. Çunki bu halda rəqibiniz canlıdır və güman etmək olar, gözəldir. Mütləq yoldaşınızla fərziyyələrinizlə bölüşün. Onu vəfasız, sədaqətsiz olmaqda ittiham etməyə tələsməyin.
 
3. Davranışınızı təhlil edin.
 
Ola bilsin, siz son zamanlar yoldaşınıza yetərincə diqqət göstərmirsiniz. Başınız ya uşaqlara, ya maraqlı seriala, ya rəfiqələrinizin problemlərinə bir qədər çox qarışıb. Sizə yaxın olan insan özünə qarşı daim diqqət, sevgi, hörmət hiss etməlidir. Əks halda kənardan bu hisslərə tələbatlarını ödəməyə cəhd göstərəcək.
 
4. Səhv nəticələr toplayıb qərar çıxartmağa çalışmayın.
 
Hətta əgər sizin qorxduğunuz eşq macərası öz təsdiqini tapdısa, onda da yalnış addım atmağa tələsməyin! Yoldaşınızın əşyalarını toplayıb evdən atmaq və ya əksinə, öz əşyalarınızı yığıb evdən qaçmaq çox asan və ağılsız hərəkət olardı. Belə hadisələrdə "xeyirxah dostlarınız" da laqeyd qala bilmirlər. Mütləq sizin üçün gözəl fotolar, sübutlar tapıb qısqanclıq alovunu gücləndirəcəklər. Halbuki, bəzən özləri də bu işin səbəbkarlarından ola bilərlər.Siz sakitləşməyə çalışın. Bəlkə bu insanların sizin ailənizin dağılmasında maraqları var? Əsəbi halda insan yalnız ağılsız nəticə çıxara bilər. Sakitləşin. Axı siz müdrik insansınız! Hər hansı bir balaca təkan sizi sarsıda bilməz! Siz daxilən güclü, özünüzə inamlısınız. Ona görə bir daha yoldaşınıza situasiyanı ətraflı izah etmək üçün imkan verin.
 
5. Qısqanmayın, əksinə ibrət götürün.
 
Rəqibinizin xasiyyətini öyrənin. Sizin yoldaşınızı onun hansı xüsusiyyəti cəlb etmişdi? Cavab tapdıqdan sonra öz üzərinizdə işə başlayın. Qoy sizə həyatda maneə olan insan sizin müəlliminiz olsun.

 

 

Korrektor:Əliyeva Zeynəb

ŞƏRH YAZIN