Bir kitabın ilk cümləsi ...

0
1911
Bir kitabın ilk cümləsi ...

 Bir kitabın ilk cümləsi önəmlidir. Çünki o ilk cümlə ilə kitaba bağlanar, maraqla sona qədər oxuyarsınız. Ən maraqlı qiraət ilk cümlədən sizi silkələyə bilən kitabın qiraətidir. Sizi ilk cümlədən oğurlayan bir kitab qədər rahatlıq gətirən başqa nə ola bilər ki?!


Qərbin kitabsevərləri arasında çox geniş yayılmış bir fikir var, ilk cümlə oxucunun əlinə aldığı kitabı satdırar, son cümləni yazıçının növbəti kitabını. Məhz bu fikri əsas tutaraq “Stylist” həm e-kitablar, həm də klassik kitablar arasında ən sevilən kitabları müəyyənləşdirib. Daha sonra oxucular niyə məhz bu kitabları sevdiklərinin səbəblərini izah edərkən diqqəti ən çox çəkən “ilk cümlədən” ifadəsi olub.
 
Beləliklə, məhz ilk cümləsi ilə milyonların könlünü fəth edən 100 kitab və ilk cümlə seçilib. Təxmin edə bilərsiniz yəqin ki, kitabların çoxunu məhz klassik əsərlər təşkil edir. Amma maraqlısı ondadır ki, ədəbi aləmdə geniş müzakirə olunan bestseller müəllifləri ilk cümlə məsələsində zəifdirlər. Belə ki, məlum yüksək tirajlı kitabların əksəriyyəti bu siyahıda yer ala bilməyib. Beləliklə, ilk cümlədən sevilən kitabların bir neçəsi.

• Lev Tolstoy “Anna Karenina” – Bütün xoşbəxt ailələr bir-birinə bənzəyir; hər bədbəxt ailə isə bir cür bədbəxtdir.
 
• Ceyn Austin “Pride and Prejudice” – Bu, hamının qəbul etdiyi dünyəvi bir həqiqətdir ki, yaxşı mövqeyə malik hər subay kişi imkanlarına və mövqeyinə uyğun qadınla evlənmək istəyir.
 
• Çarlz Dikens “A Tale of Two Cities” – Bu, ən yaxşı zamanlar idi, ən pis zamanlar idi, hikmətə çatmaq yaşı idi, ağılsızlıq yaşı idi, inam dövrü idi, hiyləgərlik dövrü idi, işığın fəsli idi, qaranlıq fəsli idi, ümidin baharı, kədərin qışı idi.
 
• Audrey Niffenegger “The Time Traveller’s Wife” – Geridə buraxılmış olmaq çox ağırdır. Mən Henrini gözləyirəm harada olduğunu bilmədən, necə olduğunu bilmədən. Geridə qalan adam olmaq ağırdır.
 
• Zora Nil Hurston “Their Eyes Were Watching God” – Hər insanın arzusu uzaqdakı gəminin göyərtəsindədir.
 
• Qabriel Qarsia Markez “Love in the Time of Cholera” – Bu, qaçılmaz idi: acı badam iyisi ona uğursuz məhəbbətin taleyini xatırlatdı.
 
• Marqaret Etvud “Cat’s Eye” – Zaman cizgi deyil, ölçüdür, sonsuzluğun ölçüsü kimi məsələn.

ŞƏRH YAZIN